مسلم لیگ ن کا اگلا صدر کون؟

مسلم لیگ ن کا اگلا صدر کون؟

میاں نواز شریف کی پارٹی سے نااہلی کے بعد مسلم لیگ ن کا صدر کون بنے گا ۔شہباز شریف یا کوئی اور اہم امور پرمشاورات کے لیے پنجاب ہاؤس میں اجلا س ہوا۔

وزیر اعظم خاقان عباسی نے میاں نواز شریف سے ملاقات کی اور پارٹی کے اہم امور پر تبادلہ خیال کیا گیا۔

 ملاقات کے بعد شاہد خاقان عباسی وہا ں سے روانہ ہو گئے تھے ۔یہ اجلاس سابق وزیر اعظم کی زیر صدارت ہو ا جس میں مسلم لیگ کے مرکزی رہنما نے شرکت کی جن میں مریم نواز ، پرویز رشید ، مریم اورنگزیب اور عابد شیر علی شامل تھے ۔

اس اجلاس میں دانیا ل عزیز ،مصدق ملک ،تہمینہ دولتانہ اور آصف کرمانی بھی موجود تھے۔ان کے علاوہ جنید انور چوہدری ،ارشد لغاری ،سردار یوسف اور سائرہ افضل تارڈ بھی شریک ہوئے۔

پنجاب ہاؤس کی بالکونی میں آنے پر کارکنوں نے نواز شریف کا زبر دست استقبال کیا۔پنجاب ہاؤس نعروں سے گونج اٹھا۔